ბითფიური ჯგუფის გარშემო მიმდინარე მოვლენები, რომელიც რამდენიმე დღეა აქტუალობას არ კარგავს. სულ რამდენიმე დღის წინ კი Bitfury ჯგუფმა დენის ტარიფის ფასისა და განხორციელებული ინვესტიციებს შესახებ ინფორმაციას გაასაჯაროვა. კომპანიის განცხადებაში, აღნიშნულია, რომ სამი წლის განმავლობაში მათ მიერ საქართველოში ინვესტირებული თანხის მოცულობა აღემატება 140 მილიონ ლარს, ხოლო ჯამში დასაქმებულთა რაოდენობა აღემატება 180 კაცს. ამასთან, კომპანია განმარტავს, რომ საქართველოში ოპერირების არცერთ ეტაპზე მათ არ უსარგებლიათ შეღავათით, ელექტროენერგიის ტარიფთან მიმართებით. სტუმარი: ეფრემ ურუმაშვილი
ქორთიართ მერიოტში დღეს კომპანიებს შორის ურთიერთ თანამშრომლობის მემორანდუმი გაფორმდა. მემორანდუმის მიხედვით კომპანია „სელექტი“ ოპერირებას „ფრეგოს“ ბრენდისა და მენეჯმენტის ფარგლებში გააგრძელებს. აღნიშნული გაერთიანების შედეგად კომპანია ფრეგო მთელი საქართველოს მასშტაბით 60-მდე ავტოგასამართი სადგურით განაგრძობს მუშაობას. სტუმარი: რუსუდან რამაზაშვილი „ფრეგო"-ს გენერალური დირექტორი
კომპანია ბეკომ მორიგი ავტომობილი ტოიოტა კოროლა გაათამაშა, რომლის მფლობელიც თბილისში მაცხოვრებელი გიორგი მაკარაშვილი გახდა. გათამაშება 2017 წელს დაიწყო და მთლიანობაში ორ ავტომობილთან ერთად მომენტალური გათამაშებით წვრილი და მსხვილი საყოფაცხოვრებო ტექნიკა გაათამაშა.
ყველაზე მოთხოვნადი სამომხმარებლო პროდუქტი - პური გაძვირდა. მწარმოებლებს პროდუქციის თვითღირებულება გაეზარდა, რამაც პურზე ფასის ზრდა გამოიწვია. ფასის მატება დროში დაემთხვა ელექტროენერგიის ტარიფის 1,5 თეთრით გაძვირებას, თუმცა როგორც მწარმოებლები ,,საქმის კურსთან’’ განმარტავენ, ფასთწარმოქმნაში ენერგომატარებლების გარდა სხვა ბევრი კომპონენტი მონაწილეობს. რამ გამოიწვია ფასის ზრდა და უნდა ველოდოთ თუ არა სასიცოცხლოდ მნიშვნელოვანი პროდუქტის ფასის კიდევ უფრო მატებას.
ზედმეტად გადახდილი დამატებული ღირებულების გადასახადის გამარტივებულად დაბრუნება დღეიდან იწყება. რეფორმის შედეგად, დღგ-ს ზედმეტობის დაბრუნება მინიმუმ 5 დღეში იქნება შესაძლებელი. ფინანსთა მინისტრის მამუკა ბახტაძის განცხადებით, რეფორმისთვის საჭირო პროგრამული უზრუნველყოფის სისტემის შექმნისთვის დაახლოებით 2 კვარტალია საჭირო, რის შემდეგაც ის სრულფასოვნად ამოქმედდება. სტუმარი: ცოტნე ყავლაშვილი ფინანსთა მინისტრის მოადგილე
რა ბედი ელის თბილისის მიწათსარგებლობის გენერალურ გეგმას , მისი მომზადებისთვის 2,8 მლნ ლარი დაიხარჯა, თუმცა, დამკვეთი თანხას სრულად მას შემდეგ გადაიხდის, რაც დოკუმენტი საბოლოოდ დამტკიცდება. დედაქალაქის მერია ჯერ გენ გეგმის დამტკიცებას არ ჩქარობს, უფრო მეტიც გენერალურ გეგმაზე მომუშავე ჯგუფს დამატებით 45 დღე მიეცა იმისათვის, რომ ხარვეზები გაასწოროს, თუმცა მას დაკისრებული ჯარიმის გადახდა მაინც მოუწევს. სტუმარი: ილია ელოშვილი, თბილისის მერის მოადგილე
უძრავ ნივთზე მომზადებული ამონაწერის ნამდვილობის ბლოკჩეინის გლობალურ ქსელში გადამოწმებას მომხმარებელი უკვე საჯარო რეესტრის ეროვნული სააგენტოს ოფიციალური ვებგვერდიდანვე შეძლებს. უძრავი ქონების რეესტრის ელექტრონული მომსახურებას დაემატა ფანჯარა "ძიება ბლოკჩეინში", რომლის საშუალებითაც მომზადებული დოკუმენტის უტყუარობის შემოწმება არის შესაძლებელი. საჯარო რეესტრის ეროვნული სააგენტოდან უძრავ ქონებაზე მომზადებული ამონაწერის შესახებ ინფორმაცია ბლოკჩეინის სისტემაში 2017 წლის 20 თებერვლიდან ავტომატურად იგზავნება. ინტერნეტის ხარისხის კონტროლის სისტემის შესყიდვაზე ტენდერი ცხადდება.კომუნიკაციების ეროვნული კომისიის მონაცემებით, ინტერნეტ-მომსახურების ისეთი პარამეტრების გაზომვა უნდა მოხდეს როგორიცაა: ჩამოტვირთვისა და ატვირთვის სიჩქარე, დაყოვნება, ჯიტერი, დაკარგული პაკეტების კოეფიციენტი.შედეგად, მომხმარებელი შეძლებს შეამოწმოს ინტერნეტ-მომსახურების ხარისხი და შეადაროს მომსახურების მომწოდებელთან გაფორმებულ ხელშეკრულებაში გაწერილ პარამეტრებს. "არ უნდა იფიქროთ რომ ანტიდემპინგური კანონმდებლობის ამოქმედების შემდეგ სავაჭრო მოცულობა გაგეზრდებათ ან დაიცავთ ინდუსტრიას“, - ამის შესახებ bm.ge-ს მსოფლიოს სავაჭრო ორგანიზაციის (WTO) გენერალური დირექტორის მოადგილემ განუცხადა. მისივე განცხადებით, WTO-ს არცერთ წევრ ქვეყანაში ანდტიდემპინგური კანონმდებლობის ამოქმედებას სავაჭრო ბრუნვის გაზრდა არ მოჰყოლია. "მე ვერ დაგისახელებთ ვერცერთ ჩვენ წევრ ქვეყანას რომელმაც გაზარდა სავაჭრო მოცულობა ანტიდემპინგური კანონმდებლობის დახმარებით", - ამბობს WTO-ს გენერალური დირეტორის მოადგილე. რუსეთი კვლავ ყველაზე მსხვილი ნავთობმომპოვებელია მსოფლიოში, რომელიც საშუალოდ 10 მილიონ ბარელს აწარმოებს დღეში. სანავთობო სტატისტიკის საერთო ინიციატივის მონაცემებით. მეორე ადგილს იკავებს საუდის არაბეთი. ხოლო სამეულს ამთავრებს აშშ რომელიც დღეში საშუალოდ 9 მილიონ ბარელ ნავთობს მოიპოვებს. ამასთან, ნავთობის მოპოვება ოქტომბერში სექტემბრის თვესთან შედარებით რუსეთში გაიზარდა 0,2%-ით, საუდის არაბეთში - 0,8%-ით, ხოლო აშშ-ში შემცირდა 2,1%-ით.
პირველი ვიცე-პრემიერის, ეკონომიკისა და მდგრადი განვითარების მინისტრის ინფორმაციით, საქართველოში შემოსული ჰიბრიდული ავტომობილების წილი ბოლო ერთ წელში მკვეთრად გაიზარდა. მისი განცხადებით, ჰიბრიდული ავტომობილების წილი ბოლო ერთ წელში 7%-დან 35%-მდე გაიზარდა. მინისტრის თქმითვე გაზრდილია ავტომობილების რეექსპორტის მაჩვენებელიც, რასაც დიმიტრი ქუმსიშვილი აქციზური გადასახადის სტრუქტურის ცვლილებას უკავშრებს. სოფლის მხარდაჭერის განახლებული პროგრამა 2019 წელს ამოქმედდება. საქართველოს პრემიერმინისტრის გიორგი კვირიკაშვილის განცხადებით, რეგიონული განვითარების სამინისტრო მუშაობს ახალ პროექტზე რომლის დახვეწაც, სავარაუდოდ, 2018 წელს მოხდება. ამასთან, პრემიერის განცხადებით რესურსი, რომელიც მსოფლის მხარდამჭერ პროგრამაზე იყო მიმართული, ძალიან ხშირ შემთხვევაში იხარჯებოდა რეზულტატების გარეშე. შეგახსენებთ, რომ სოფლის მხარდაჭერის პროგრამა 2017 წლიდან გაუქმდა. გასულ წელს საქართველოში საფინანსო მომსახურების საქმიანობით დაკავებული 2384 საწარმო ფუნქციონირებდა, რომელთა დეკლარირებულმა შემოსავლებმა 4,4 მილიარდ ლარს გადააჭარბა. სტატისტიკის სამსახურის მონაცემებით, საფინანსო მომსახურების საქმიანობით დაკავებულ საწარმოებში დასაქმებულთა საშუალო წლიური რაოდენობა შეადგენდა 36 ათას კაცს, რომელთაგან 59,1% ქალი იყო. საწარმოების ფიქსირებულ აქტივებში 502,7 მლნ. ლარის ინვესტიცია განხორციელდა. შვეიცარული ფარმაცევტული კომპანია Roche ამერიკულ Ignyta-ს $1,7 მილიარდად შეიძენს. კომპანია თითო აქციაში 27 დოლარს გადაიხდის. ორი კომპანიის გაერთიანების პროცესი მომდევნო წლის მეორე ნახევარში დასრულდება. 2011 წელს დაარსებული Ignyta-ს ძირითად საქმიანობას ონკოლოგიური დაავადებების საწინააღმდეგო პრეპარატების შესწავლა წარმოადგენს. Roche მსოფლიოში ონკოლოგიური დაავადებების საწინააღმდეგო მედიკამენტების უმსხვილესი მიმწოდებელია.